Төл өнердің тәлімгері Қос ішекті қара домбыраның шанағынан бірде шер төгіліп, бірде көңіл құсын құйқылжытып күй күмбірлегенде жан дүниесі тебірен-бейтін қазақ жоқ. Өйткені, бұл – замандардың заңына да, зарына да, бәріне де куә болып, қанымызға дарыған, сүйегімізге сіңген ұлттық құндылық. Ұлттық домбыра күні қарсаңында Текеліде алғашқы домбыра сыныбын ашқан домбырашы ұстаз, Балалар шығармашылығы орталығының директоры Светлана Ахметқалиқызы Бейспекованы әңгімеге тартқан едік.